السبت، 13 ديسمبر 2014
السلآم عليكم ورحمة الله وبركآته
كيف حالكم [ اعضاء وداعمين ومستفسرين ] الحملة الكرام ؟!
يارب بخير وبصحة وعافية < دوم ان شاء الله =)
طبعاً زي ما انتو عارفين احنا بدينا الحملة دي وكنا متحمسين شديد ليها
لكن بحكم اننا كنا يادوب في طريق البداية حصلت لينا مواقف كثيرة وعثرات واتلخبطنا وما عرفنا نبدا من وين
واغلب الأعضاء ما كانوا ماخذين الحملة بشكل جدي .....الخ
فوقفنا شوية لين ما رتبنا افكارنا ورجعنا نبني حملتنا بأساس قوي
والحمدلله أمورنا مشت بأحسن ما يمكن وكل ما لينا قاعدين نشوف نور المستقبل بيشع وبفتح الطريق لنجاح الحملة
---------------------
أكيد انتو بتسألو{ حملة سودانا بخيرو} دي شنو ؟!
حملتنا دي حملة لشباب سوداني بحب بلدو وعندنا أمل كبيررر في انو السودان حيتحسن في يوم من الأيام
وان شاء الله التحسن دا حيكون عن طريقنا احنا الشباب *ابناء المستقبل* ~
المهم , احنا اجتمعنا وقررنا نسوي جمعية تطوعية غير ربحية نساعد فيها الفقراء والمساكين والأسر المحتاجة
ومافي دولة في العالم مافيها الفئات دي , و بدورنا المفروض نساعدهم
كونا نفسنا بنفسنا بدون اي مساعدة خارجية مع العلم انو كلنا صغار في العمر
وبدينا بعدد قليل والآن الأعداد كل ما ليها في تزايد أكثر والحمدلله
على يد مين بدأت { سودانا بخيرو } ؟!
فكرة الحملة خرجت على ايادي ناس بقدم ليهم كل الإحترام
وبقول ليهم الله يوفقنا للأفضل ويجعلوا في موازين حسناتنا
ماهي المشاريع الي سيتم تنفيذها لدعم { سودانا بخيرو }؟!
طبعاً الشي الأساسي هو جمع التبرعات لكن عندنا افكار ثانية
وهي انو كل شخص عندو موهبة معينة حيستثمرها
مثلاً الي عندو موهبة الرسم ممكن يبيع لوحاتو و ثمن اللوحة حيمشي للحملة
او الي عندو موهبة الخياطة او الكروشي ممكن كمان يسوي اعمال ويبيعها وكدا
والفكرة دي عشان نشجع الناس للتبرع وفي نفس الوقت ننمي المواهب دي
---------------------
وقبل ما انهي الموضوع عايزة اقول
ازرعوا في عقولكم فكرة انو لو احنا اتكاتفنا مع بعض وساهمنا ولو بالقليل حنوري الناس كلها انو لسسه
#سودانا_ بخيرو
لكن كل العايزنو منكم انكم تدعمونا
وسلآمتكم =)
-----------------------------
